بصراحة في البداية حنصدم طبعا بس بحاول أخفي شعوري وحتصرف بكل هدوووء
الرسول صلى الله عليه وعلى آله قال : (ليس الشديد بالصرعة وانما الشديد من يتمالك نفسه عند الغضب)
المهم...بما إني أعرف الولد وهو صاحبي حكون عارف هو انسان محترم ولا لا
وحقدِّر ماإذا كان الغلط منه ولا من أختي
بعدين حسأله كم سؤال زي المدة واش السبب عشان اعرف القصة كلها
بعد كذا أروح عند أختي وأخليها تحكيلي كل شي
بعدين اذا شفت الولد غلطان ممكن أسامحه لأنه ما جا وقلي إلا عشانه يعزني
والأغلب إني حقطع معاه
أما إذا كانت أختي غلطانة طبعا حعطيها كلام مش حتنساه بس مش ممكن أورطها عند أحد ثاني زي أبويا وأمي وبعدين حروح عند صاحبي وأشكره انه صارحني وأقله لازم تقطع طبعا ولا تجيب سيرة القصة هاذي مرة ثانية وحنرجع أصحاب زي ماكنا - بس لازم يكون في شوية شرارات-.
هذا اللي حسويه عشان الضرر يكون قليل والنفع يكون كثير
أنا عارف حتقولون انه هذا حق كلام بس يوم يجي الفعل حيكون شي ثاني
ماأعتقد لأنه كذ حصلت قصص شبيهة لي بس مالها صلاح في المحارم
وشكرا
الرئيسية 
أحدث الصور 
الإثنين مارس 10, 2008 10:07 pm
